Qadın timsahın başına görə  CƏRİMƏLƏNDİ

Rusiyanın Novosibirsk şəhərində gömrükçülər Phuketdən timsah başını gətirməyə çalışan qadını saxlayıblar. Medianews.az “Moskovski komsomolets”ə istinadən xəbər verir ki, gömrükçülər yoxlama apararkən turistin çamadanında qurudulmuş sürünən başı aşkar ediblər. Qadının sözlərinə görə, o, timsah başını Phuketdəki suvenir mağazasından  özü üçün alıb. Turist əlavə edib ki, lazımi icazələrdən xəbəri yoxdur. Nəticədə gömrükçülər timsahın başını götürüblər. Digər hallarla yanaşı, qadına qarşı “Malların bəyan edilməməsi” və “Qadağa və məhdudiyyətlərə əməl etməmə” maddələri ilə iki inzibati iş başlanıb. Turisti cərimə gözləyir.