Media
“AFAD”ın məlumatına görə, 6 fevral bazar ertəsi günü saat 04:17-də Kahramanmaraşın Pazarcık mahalında 7.7, Hatay, Adıyaman, Malatya, Qaziantep, Diyarbakır başda olmaqla, bölgənin bir çox şəhəri saat 13:24-də Elbistan mahalında 7.6 bal gücündə iki zəlzələ nəticəsində dağılıb.
Medianews.az bildirir ki, Türkiyə Böyük Millət Məclisində zəlzələdən zərər çəkmiş 10 vilayət üçün fövqəladə vəziyyət elan edilib. Vitse-prezident Fuat Oktay ölənlərin 14351-ə, yaralıların sayının isə 63794-ə yüksəldiyini açıqlayıb.
Qaziantepdə çıxış edən prezident Rəcəb Tayyib Ərdoğan dağıntıların təmizlənməsi işlərinin sıx səylə davam etdiyini və dağılan binaların sayının 6 min 444 olduğunu bildirib.
“Bu gün Türkiyə Böyük Millət Məclisində 3 ay müddətinə fövqəladə vəziyyətlə bağlı qanunu açıqlayacağıq. Fövqəladə vəziyyətlə talan hadisələrinə müdaxilə edəcəyik” deyə Ərdoğan sözlərinə davam edib.
CNN Türk-də canlı yayımda danışan Qızıl Aypara Başçısı Kerem Kınık Kızılayın zəlzələ bölgəsindəki fəaliyyətləri ilə bağlı açıqlamalar verib. Kınık, “Bizə ədyal, qış paltarı, dayanıqlı yemək lazımdır. Xahiş edirəm, ikinci əl paltar göndərməyin” deyə açıqlama verib.
