İsveç xarici işlər naziri Tobias Billström İsveç, Türkiyə və Finlandiya arasında 28 iyunda imzalanan Üçlü Memorandumun (NATO üzvlüyü üçün) şərtlərini çox ciddi qəbul etdiklərini bildirib.
Medianews.az xəbər verir ki, ABŞ-a gedən xarici işlər naziri Antoni Blinken və Finlandiyanın xarici işlər naziri Pekka Haavisto ilə üçtərəfli görüşə hazırlaşan Billström ölkəsinin xəbər agentliyi TT-yə açıqlama verib.
İspaniyanın paytaxtı Madriddə keçirilən NATO Zirvə toplantısında İsveç, Türkiyə və Finlandiya arasında əldə olunan razılaşma ilə bağlı Billström bunları deyib:
“Üçlü Memorandumun şərtlərini çox ciddi qəbul edirik. Biz öhdəliklərimizi yerinə yetirməyə çalışırıq, müqavilənin müxtəlif hissələrində irəliləyiş var”.
Medianews.az