Kraliça Elizabetin ölümündən sonra İngiltərə kralı olan III Çarlz dünən rəsmi mərasimlə and içmə bəyanatını imzalayıb.
Medianews.az xəbər verir ki, dünyanın kilidləndiyi o anlarda Çarlzın stolu götürmək üçün xidmətçiyə əl jesti reaksiya verməsi gündəm olub.
Britaniya mənbələri yeni kralın diş pastasını belə sıxa bilmədiyini bildirir.
Qeyd edək ki, İngiltərə kraliçası II. Elizabet bir neçə gün öncə Şotlandiyanın Balmoral qəsrində 96 yaşında dünyasını dəyişib. Kraliçanın ölümündən sonra Elizabetin oğlu Çarlz kral olub.
III Çarlz rəsmi olaraq kral elan edilib. Mərasimdən əvvəl yüksək rütbəli qonaqlar saraya daxil olublar. Sarayın qarşısında geniş təhlükəsizlik tədbirləri görülüb. Mərasimə Çarlzın həyat yoldaşı Kamilla və oğlu Uels şahzadəsi Uilyam da qatılıb. Mərasimdə “Kraliça öldü, yaşasın Kral”, deyə şüarlar səsləndirilib.
İngilis mediasının təqdim etdiyi bəzi görüntülərdə Çarlzın imza atarkən masanın üzərindəki əşyaları götürmək üçün ətrafındakı mühafizəçilərə etdiyi jestlər diqqət çəkib. Bu videolar gündəmə gəldikdən sonra Çarlzla bağlı maraqlı məlumatlar ortaya çıxıb. Kralın köməkçilərinin hətta diş pastasını onun yerinə diş fırçasına sıxdığı, onun hər zaman ən xırda işləri belə köməkçiləri vasitəsilə həll etdiyi öyrənilib.
Medianews.az