Media
“Kripto kraliçası” kimi tanınan Ruja İqnatova FTB-nin ən çox axtarılan 10 siyahısına salınıb.
Medianews.az xəbər verir ki, İqnatova minlərlə insanı milyardlarla avro dəyərində aldadıb.
O insalara bitkoinə rəqib olmaq üçün kriptovalyuta hazırladığını deyərək onların pullarını mənimsəyib, daha sonra qəfildən yoxa çıxıb. Hesablamalara görə, 2014-cü ilin avqustundan 2017-ci ilin martına qədər Pakistandan Braziliyaya, Kanadadan Norveçə və hətta Fələstinə kimi onlarla ölkədən milyardlarla avro “OneCoin”-ə daxil olub. “OneCoin” soyğunun uğuru onun təkcə saxta kriptovalyuta olması deyil, həm də piramida sxemi olması ilə əlaqələndirilir.
Ponzi adlandırılan bu sxemlə İqnatova 2017-ci ildə yoxa çıxana qədər 4 milyard dollar qazanıb.
FTB daha geniş ictimaiyyətdən məlumat almaq üçün qaçaqları “ən çox axtarılanlar siyahısına” əlavə edir. Federal Təhqiqat Bürosu bolqar qadının həbsinə töhfə verəcək məlumat üçün 100 min dollar mükafat elan edib. İqnatovaya qarşı 2019-cu ildə səkkiz müxtəlif bank cinayətinə görə cinayət işi açılıb.
Ruja İqnatova bu siyahıdakı yeganə qadındır. Fırıldaqçı qadının tapılmamasının ən mühüm səbəbi onun ən azı 500 milyon dollarla qaçmasıdır.
Bolqar qadın yüksək keyfiyyətli kimliklərdən istifadə edir və onun xarici görünüşünü dəyişdiyi güman edilir. İqnatova sonuncu dəfə 2017-ci ildə Bolqarıstandan Yunanıstana uçan təyyarəyə minərkən görüntülənib.
Medianews.az
