Münasibətlərdə normallaşma prosesinə daxil olan Türkiyə-İsrail xəttində maraqlı bir hadisə İsraildən Türkiyəyə olan səfərlərə təsir edib.
Medianews.az xəbər verir ki, keçən həftə İran İnqilabı Keşikçiləri Korpusunun simalarından olan polkovnik Həsən Seyid Xodainin evinin qarşısında ölümündən sonra İsrail administrasiyası “Türkiyəyə getməyin” xəbərdarlığı edib. Xodainin evinin qarşısında öldürülməsinin arxasında İsrailin olduğu iddia edilsə də, İsrail hökuməti öz vətəndaşlarını “zəruri olmadıqca İranla həmsərhəd ölkələrə getməməyə” çağırıb.
Açıqlamada, “İran İnqilab Keşikçiləri Korpusunun yüksək rütbəli bir məmurunun ölümündə İsraili günahlandırıb və israillilərdən qisas ala bilərlər” deyilir.
Məlumata görə, bu xəbərdarlıqdan sonra Türkiyəyə getmək istəyən israillilərin sayı kəskin şəkildə azalıb.
Leyla, Medianews.az