Yeni Zellandiyalı fotoqraf Amos Çapli dünyanın ən soyuq kəndini görüntüləyib.
Musavat.com-un məlumatına görə, bura Rusiyanın Oymyakon kəndidir. Burada 1926-cı ildə -71.2 dərəcə şaxta qeydə alınıb. Bu, indiyə qədər olan ən aşağı tempratur hesab edilir. Əvvəllər burada yaşayış olmasa da, Sovetlər birliyi Oymyakon kəndi haqqında yeni qərar verir. Qərara görə, bu kənddə də insanlar yerləşdirilməli idi.
Meyvə tərəvəz yetişməyən kənddə sadəcə 1 market var. Onun da rəfləri ancaq ət və balıq məhsulları ilə doldurulur. Kənddə hazırda təxminən 500 nəfər yaşayır. Bölgədə avtomobillər ancaq qarajlarda xoda düşür. Yolda sönən avtomobili bir daha işə salmaq demək olar ki, imkansızdı. Burada havanın ən “isti” vaxtı -45 dərəcə şaxta olur.
Meyvə, tərəvəz yeməməklərinə baxmayaraq, burada xəstəliklər yayqın deyil.