Media
Genetika qaydalarını pozaraq, Yaponiyanın Osaka Universitetinin tədqiqatçıları erkək hüceyrələrdən yumurta, sonra isə körpə siçanlar istehsal ediblər.
Medianews.az xəbər verir ki, tədqiqatçılar siçanların genetik modifikasiyası ilə dəri hüceyrələrini yumurtaya çeviriblər. Alimlər bu texnikanı insanlarda da istifadə etməyi hədəflədiklərini açıqlayıblar.
Yapon tədqiqatçılar geni dəyişdirilmiş erkək siçanların dəri hüceyrələrini kök hüceyrələrə çeviriblər.
Alimlər hüceyrələrdə cinsi təyin edən Y xromosomunu silməklə, onu qadın X xromosomu ilə cütləşdirdilər. Bu yolla yumurta uğurla istehsal olunub. Erkək siçanın yumurtası başqa bir erkək siçanın sperması ilə mayalanıb.
Mütəxəssislər kök hüceyrə üsulu ilə 7 sağlam körpə siçan əldə etdiklərini bildiriblər. Beləliklə, “dişisi olmayan iki erkək siçan”dan nəsillər çıxarıldı.
Araşdırmanın nəticələri Londondakı Crick İnstitutunda keçirilən “gen redaktə sammiti”ndə açıqlanıb.
Komanda indi bu texnikanı insanlar üzərində sınaqdan keçirməyə hazırlaşır. Metodun 10 ildən sonra daha da inkişaf etdirilə biləcəyi və sonsuzluğun müalicəsində istifadə oluna biləcəyi bildirilir. Bu şəkildə X xromosom çatışmazlığından qaynaqlanan “Turner sindromu” da müalicə edilə bilər.
Lakin yapon alimləri insan hüceyrələrində uğur qazanmağın qat-qat çətin olduğunu vurğulayırlar.
Medianews.az
