Hatayın Odabaşı səmtində Kahramanmaraş mərkəzli 10 vilayətdə baş verən zəlzələ nəticəsində çökən binanın dağıntıları altından 30 yaşlı Hülya Yılmaz və 6 aylıq körpəsi Ayşe Vera Yılmaz 29 saat sonra xilas edilib.
Medianews.az xəbər verir ki, xilasedicilər dağıntıları altından mümkün qədər çox insanı sağ çıxarmaq üçün zamana qarşı yarışır.
Antakya mahalının Odabaşı məhəlləsi Uğur Mumcu küçəsində yerləşən Zekiye Kırat mənzilinin dağıntıları altında axtarış-xilasetmə işləri aparan qruplar xarabalıqlardan səs gəldiyini müəyyən ediblər.
Zəlzələdən 29 saat sonra qrupların çatdığı Hülya Yılmaz və 6 aylıq körpəsi Ayşe Vera dağıntılar altından xilas edilib.
Ana Yılmaz və körpəsi müalicə üçün xəstəxanaya aparılıb.
Bölgədə axtarış-xilasetmə işləri davam edir.
Medianews.az