“Ağıllı ol, yoxsa səni məhv edərəm” – Bakıda vəkil hədələndi

Bu gün vəkil Bəhruz Bayramovu naməlum şəxs hədələyib.

Vəkil bu barədə özünün sosial şəbəkə hesabında paylaşım edib.

O bildirib ki, bu gün küçədə saqqallı bir gənc ona yaxınlaşaraq bu sözləri deyib:

“Ağıllı ol, yoxsa səni məhv edərəm”.

Vəkilin sözlərinə görə, həmin şəxs sonra “Prado” markalı maşına minərək hadisə yerindən uzaqlaşıb.

Medianews.az “qafqazinfo”-ya istinadən xəbər verir ki, vəkilin dediyinə görə, hadisə Memar Əcəmi metrostansiyasının yaxınlığında baş verib. Vəkilin iddiasına görə, ərazidə insan alveri ilə məşğul olunur:

“Dəfələrlə onlara insan alverinə görə irad bildirmişdim”.

B. Bayramov polisə isə hələ ki, müraciət etmədiyini bildirib.