Media
Suriyanın Dəməşq şəhərində 1300 illik tarixi olan tarixi Əməvi məscidində Buddist ayininin keçirilməsi böyük əks-səda doğurub.
Medianews.az xəbər verir ki, özünü “Dada Atman” adlandıran və ölkədə buddizmi yaymağa çalışan şəxsin mehrabda çəkilən görüntülər sosial şəbəkələrdə paylaşılıb.
Sosial mediada yayılan görüntülərdə məsciddə Buddist ayininin keçirildiyi görünür. Narıncı paltar geyən kişi mehrabda yoqa ilə məşğul olur, digər bir narıncı paltar geyinmiş qadın isə məscidin ortasında rəqs edir. Sözügedən görüntülər müsəlmanları ayağa qaldırıb.
İslam tarixi üçün böyük əhəmiyyət kəsb edən məsciddə çəkilən bu fotolar müsəlmanların böyük reaksiyasına səbəb olub. Bölgədəki suriyalılar da Əsəd rejiminin ölkədəki sünnilər üçün dini simvol sayılan Əməvi məscidinə qarşı hörmətsizliyini pisləyib.
Digər tərəfdən, fotoşəkillərdəki şəxsin özünü “Dada Atman” adlandırdığı və Suriyada yeni bir təriqət quran biri olduğu öyrənilib. Suriyanın Suveyda şəhərində yaşayan Atmanın bir müddət Hindistanda yaşadığı və ölkəsinə qayıtdıqdan sonra buddizm təlimlərini ehtiva edən təriqətini təbliğ etmək üçün şəhər-şəhər gəzdiyi bildirilib.
Əməvi məscidindəki görüntülərə verilən reaksiyalardan sonra Atman fotoları sosial mediadan silib. Lakin Hama, Latakiya, Tartus və Suveyda kimi şəhərlərdə yerinə yetirdiyi ritualların foto və videolarını silməyib.
Medianews.az
