Media
Rusiyanın “Qazprom” şirkəti ilə əlaqəsi olan 61 yaşlı rusiyalı milyarder Yuri Voronova evinin hovuzunda başından güllələnmiş halda ölü tapılıb.
Medianews.az xəbər verir ki, Voronova ilin əvvəlindən şübhəli şəkildə öldürülən 6-cı rusiyalı milyarderdir.
Qərb mediası bu şəxslərin Putin tərəfindən aradan götürüldüyünü iddia etməkdə davam edir.
Rusiyalı milyarder Yuri Voronova Sankt-Peterburqdakı evinin hovuzunda başından güllələnmiş halda ölü tapılıb. Voronovanın yanında bir tapança da tapılıb.
Voronova ilin əvvəlindən müəmmalı şəkildə dünyasını dəyişən altıncı şəxsdir. Hadisə ilə bağlı təhqiqat başladan Rusiya polis qətlin Voronovanın iş ortaqları ilə yaşadığı fikir ayrılığı ilə bağlı olması ehtimalına diqqət yetirir. Onun həyat yoldaşı da polisə ərinin şərikləri tərəfindən aldadıldığını və külli miqdarda pul itirdiyini bildirib.
Digər tərəfdən, bu şəxslərin Moskva administrasiyası tərəfindən aradan qaldırıldığına dair iddialar Qərb mediasında davam edir.
Medianews.az
