Futbolçular və azarkeşlər qırmızı vərəqə göstərən hakimi döyə-döyə öldürdülər – ANBAAN VİDEO

Futbolçuların və azarkeşlərin hücumuna məruz qalan 63 yaşlı hakim Xose Arnoldo Amaya El Salvadorda keçirilən həvəskarlar liqasında öldürülüb.

Medianews.az xəbər verir ki, futbolçuya qırmızı vərəqə göstərdikdən sonra döyülən hakim daxili qanaxma səbəbindən xəstəxanaya aparılıb.

Xəstəxanada edilən müdaxilələrə baxmayaraq döyülən hakim dünyasını dəyişib.

Mərkəzi Amerika ölkəsi El Salvadorun Miramonte şəhərindəki Toluca stadionunda keçirilən həvəskar oyunu idarə edən 63 yaşlı referi Xose Arnoldo Amaya qırmızı vərəqə göstərdiyi futbolçunun, komanda yoldaşlarının və azarkeşlərinin hücumu nəticəsində həyatını itirib.

Daxili qanaxma səbəbiylə xəstəxanaya yerləşdirildikdən qısa müddət sonra dünyasını dəyişən hakim üçün Federasiyadan verilən açıqlamada “Ölkədə müxtəlif idman salonlarında baş verən hər cür zorakılığı pisləyirik”,- deyə qeyd olunub.

Federasiya prezident Huqo Karrillo daha sonra bunları deyib: “Federasiya olaraq biz hakim Xose Arnoldo Amayanın başına gələnləri qınayırıq və inanırıq ki, səlahiyyətli şəxslər hakimin qətlinə görə məsuliyyət daşıyanları həbs edəcək”.

Medianews.az