Media
44 günlük müharibə bitdikdən sonrakı dövrdə Azərbaycan dövlətinin şəhid ailələrinə, qazilərə hərtərəfli dəstəyi, onların bütün ehtiyaclarının qarşılanması, problemlərinin həlli, sosial təminatının yaxşılaşdırılması göz önündədir. Qazi, şəhid ailəsi adından sui-istifadənin yolverilməzliyi, dövlətin hərtərəfli dəstəyi, diqqət və qayğısı fonunda qanuna zidd əməllər ictimaiyyət tərəfindən qınanılır. Bəzi şəxslərin özlərini qazi kimi təqdim etməsi, imtiyazlar əldə etmək məqsədilə dövlət orqanlarını şantaj etməsi, müxtəlif səhnələr quraraq dövlət orqanlarını qınaq hədəfinə çevirmək cəhdlərinin yolverilməzliyi günü-gündən artmaqdıdır.
Bəs görəsən bu kimi halların qarşısını necə almaq olar? Mövzu ilə bağlı ekspertlər Medianews.az saytına danışdılar.
Milli Məclisin deputatı Cavid Osmanov bizimlə söhbətində qazi adından istifadə edərək dələduzluq edənlərin məkrli siyasətindən bəhs etdi: “Azərbaycan dövəti Ali Baş Komandan, Prezident İlham Əliyevin rəhbərliyi ilə şəhid ailələrinə, o cümlədən qazilərimizə hərtərəfli dövlət dəstəyi görməkdədir. Əlbəttə ki, cənab İlham Əliyev bütün dövlət strukturları qarşısında şəhid ailələri, qazilərə hərtərəfli dəstəyin göstərilməsi onların ehtiyaclarının qarşılanması, problemlərinin həlli istiqamətində mühüm tapşırıqlar verib. Azərbaycan dövləti tərəfindən şəhid ailələrinin üzvləri, o cümlədən qazilərin məişət şəraitinin yaxşılaşdırılması dövlət proqramının qəbul edilməsi, dövlət proqramına uyğun olaraq 10 mindən çox mənzilin və fərdi evlərin təqdim edilməsi, nəqliyyat vasitələri ilə təminatı, reabilitasiya prosesinin keçməsi, qazilərimizin sağlamlığının qorunması istiqamətində mühüm addımarın atılması, istər ölkə daxilində, istər xaricdə onların müalicələrinin həyata keçirilməsi istiqmətində mühüm addımlar atılmışdır. Heydər Əliyev Fondu tərəfindən də müxtəlif layihələr keçirilərək onların sosial müdafiəsinin gücləndirilməsi istiamətində mühüm addımlar atılmaqdadır. Çox təəssüf ki, bəzi hallarda şəhid və qazi ailəsi adından sui istifadə halları çoxalıb. Baxmayarq, onlar dövlətin hərtəfli dəstəyi, diqqət və qayğısı ilə əhatə olunub. Amma qanunazid əməllər törədərək məhz qazi, şəhid ailələri adından sui istifadə, saxta yollara əl ataraq saxtakarlıq edirlər. Bu uğurlu siyasətə kölgə salmağa cəhd edirlər. Bəzi şəxslər özlərini qazi kimi təqdim edərək imtiyazlar əldə etməyə səy göstərirlər. Müxtəlif səhnələr quraraq dövlət orqanlarını qınaq hədəfinə çevirməyə cəhd edirlər. Əlbəttə ki, bu, yolverilməzdir və bütün hallarda bunların qarşısı alınmalıdır. Bununla bağlı ciddi tədbirlər görülməlidir. Təəssüf ki, belə hallarda ermənipərəst qüvvələrin birbaşa diktəsi altında ölkəmizdə fəaliyyət göstərən 5-ci kalonun nümayəndələri belə məsələləri ciddi şəkildə qabardaraq ölkəmiz haqqında mənfi imic yaratmağa çalışırlar. Bununla da dövlətin bu sahədə apardığı uğurlu siyasətə kögə salmağa çalışırlar. Belə hallara qarşı dövlət strukturları ilə yanaşı, hər kəs ciddi şəkildə mübarizə aparmalıdır.
Türkiyənin Azərbaycandakı sabiq hərbi atteşesi, ehtiyatda olan general Yücel Karauz bizimlə söhbətində şəhidlik və qaziliyin dünyadakı mənəvi dəyərini yüksək qiymətləndirdiyini və qaziliyin ən ali dəyər olduğunu vurğuladı: “Qaziliyin mənəvi dəyəri pulla dünyada satın alına bilməyən böyük bir qürur hissidir. İkinci Qarabağ savaşından sonra şəhid və qazi ailələri adına fəaliyyətdə olduğunu iddia edən, maddi dəstəyə görə öz çıxarlarını düşənən insanların sayı çoxalıb. Azərbaycan çox güclü və müstəqil bir dövlətdir. Şəhid və qazilərinə çox yüksək qiymət verir. Bu şəkildə şəhid və qazi ailələrini şəhidlik və qazilik dəyərlərindən istifadə edən insanlar cəmiyytə qarşı həm də torpaqları uğruna qanın verən şəhid və qazilərə qarşı haqsızlıqdır. Bu vəziyyətdən istifadə qəbuledilməzdir. Dövlətə və millətə qarşı ən böyük duğuların istmarına icazə verməyin”.
Qarabağ qazisi Rey Kərimoğlu da dövlətin şəhid ailələri, qazilər üçün çox böyük işlər gördüyünü vurğuladı: “ Xüsusən, Prezident İlham Əliyevin, birinci vitse-prezident Mehriban xanımın bu sahədəki fəaliyyətini yüksək qiymətləndiririk. Müəyyən narazılıqlar da var ki, buna da müəyyən məmurların öz işinin öhdəsindən gələ bilməməsi səbəb olur. Qaldı digər məqama, saxta qazi olmur! Qazi olmadan, yəni müharibə görməyən, səngər görməyən şəxslər var ki, özünü qazi kimi təqdim edir. Bunlara qarşı dövlət də, cəmiyyət də öz sözünü deməlidir”.
Qeyd: Məqalə Azərbaycan Respublikasının Medianın İnkişafı Agentliyinin maliyyə dəstəyi ilə və müsabiqə şərtlərinə uyğun olaraq ” ictimai və dövlət maraqlarının müdafiəsi” mövzusunda hazırlanıb.
Xəyalə Rəis
Medianews.az
