Media
Jean-Pierre, Ağ Evdə keçirdiyi gündəlik mətbuat konfransında gündəmi dəyərləndirib və jurnalistlərin suallarını cavablandırıb.
Medianews.az xəbər verir ki, Jean-Pierre, Rusiya-Ukrayna müharibəsinin səbəb olduğu ərzaq böhranı ilə bağlı müzakirələrə toxunaraq, “Rusiya qlobal ərzaq təhlükəsizliyini məhv edən Ukraynaya qarşı müharibəsini təcili olaraq dayandırmalı və Ukraynadan ərzaq axınına icazə verməlidir”,- deyə bildirib.
Mövcud ərzaq böhranında Rusiyanın məsuliyyət daşıdığını ifadə edən Jean-Pierre, “ABŞ və ya digər ölkələrin Rusiyaya qarşı sanksiyaları qida axınının qarşısını almır”. -deyə bildirib.
Jean-Pierre, Amerika mətbuatında Ağ Ev Milli Təhlükəsizlik Şurasının Yaxın Şərq direktoru Brett McGurk və enerji məsələləri üzrə dövlət katibinin müşaviri Amos Hochsteinin neft razılaşması üçün Səudiyyə Ərəbistanına gizli səfərdə olduqlarına dair iddialara da cavab verib.
“Mən təsdiq edə bilərəm ki, McGurk və Hochstein hazırda Səudiyyə Ərəbistanındadır. Səlahiyyətlilər İranın regionda sabitliyi pozan hərəkətləri ilə mübarizə və sabit qlobal enerji bazarı kimi məsələləri müzakirə edirlər”.
Jean-Pierre əlavə edib ki, ABŞ prezidenti Co Bayden gələn həftə Ağ Evdə Yeni Zelandiyanın baş naziri Casinda Arderni qəbul edəcək.
Leyla, Medianews.az
