Əfqanıstanda Taliban administrasiyası qadın aparıcıları və müxbirləri yayım zamanı üzlərini örtmələri barədə qərar qəbul edib.
Medianews.az xəbər ki, 2021-ci ilin avqustundan Əfqanıstanda hakimiyyətdə olan Taliban bütün qadın media mənsublarının üzlərini örtməsini məcburi edib.
Əfqanıstanın “TOLOnews” telekanalı Twitter hesabında paylaşdığı xəbərdə təlimatın bütün televiziya kanallarına göndərildiyini bildirib. Xəbərə görə, qərarla bağlı Mədəniyyət Nazirliyinin nümayəndələri telekanalın tabe olduğu “Moby Media” qrupuna məlumat veriblər. Nazirlik nümayəndələri qərarın yekun olduğunu və “müzakirəyə açıq olmadığını bildiriblər.
Əfqanıstanda mart ayında “BBC” və “Deutsche Welle” də daxil olmaqla ölkə xaricindəki bütün vizual media yayımları, məzmunlarına və işçilərinin geyimlərinə nəzarət etmək imkanlarının olmadığı səbəbilə qadağan edilmişdi.
Turam Oruc
Medianews.az