Media
MHP sədri Dövlət Baxçalı partiyasının Türkiyə Böyük Millət Məclisindəki qrup toplantısında gündəmlə bağlı qiymətləndirmələr edib.
Medianews.az xəbər verir ki, İsveç və Finlandiyanın NATO-ya üzvlüklə bağlı müzakirələrini dəyərləndirən Bahçeli, “ Rusiya-Ukrayna müharibəsi bitməmişdən əvvəl NATO-ya yeni bir üzvün qatılması dünyanı yeni bir atəşə aparacaq. Bu, təkcə Avropanın təhlükəsizlik xəritəsini yeniləməyəcək. Hər kəsə xəbərdarlıq edirəm, bunun sonu sülh deyil, total müharibədir. Türkiyə haqqın və qanunun yanındadır”,-deyə bildirib.
“İsveç və Finlandiyanın NATO-ya üzvlüyü prosesinin müzakirəyə açılması Ukrayna müharibəsinin dozasının və şiddətinin azalmasına deyil, artmasına, xronikiləşməsinə və hətta qloballaşmasına səbəb ola bilər.
Rusiyanın etirazlarından biri NATO-nun şərqə doğru genişlənmə strategiyasıdır. MHP NATO-nun genişlənmə və şərqə açılma strategiyasını olduqca arzuolunmaz hesab edir.
Finlandiya və İsveçin NATO-ya daxil olması müharibənin uzanması və daha geniş coğrafiyaya yayılması deməkdir. Finlandiya və İsveçin Türkiyənin düşmənlərini necə qucaqladığı məlumdur.
Heç kim bizə hekayə danışmamalıdır, Vikinq məntiqi vandal məntiqdir. Böyük kitabımız olan Quranı yandıranların bizə qarşı çıxmağa nə üzü, nə də ürəyi çatacaq.
İsveç və Finlandiyanı gözləmə otağına aparmaq düzgün qərardır. İsveç və Finlandiyanın NATO-ya namizədliyi vaxtsız və yersizdir. MHP onların üzvlüyünə qarşıdır. Türkiyənin mövqeyi bəllidir”,-deyə MHP sədri Dövlət Baxçalı bildirib.
Leyla
