Rusiya lideri Putinlə yaxın münasibətləri ilə tanınan və “Ukraynada Putinin gözü” kimi xarakterizə edilən Ukrayna müxalifətinin lideri Medvedçuk Ukrayna ordusu tərəfindən əsir götürülməsi barədə xəbər vermişdik.
Medianews.az xəbər verir ki, Medvedçukun həyat yoldaşı Oksana Marçenko prezident Ərdoğandan kömək istəyib.
Ukrayna prezidenti Vladimir Zelenski Rusiyayönlü ukraynalı siyasətçi Viktor Medvedçukun əli qandallı şəklini Telegram səhifəsində paylaşıb. Zelenski əsir düşən Medvedçuku vermək müqabilində müharibə zamanı əsir düşən ukraynalıları istəyib.
Bu hadisədən dərhal sonra Medvedçukun həyat yoldaşı Oksana Marçenko prezident Rəcəb Tayyib Ərdoğandan həyat yoldaşının azadlığa buraxılması üçün kömək istəyib.
Öz “YouTube” kanalında açıqlama verən Oksana Marçenko bunları deyib: “Çox hörmətli Ərdoğan. Mən, müxalifət lideri Ukraynanın deputatı Viktor Medvedçukun həyat yoldaşı Oksana Marçenko sizə kömək istəyi ilə müraciət edirəm. Aprelin 12-də həyat yoldaşım Zelenskinin şəxsi göstərişi ilə Ukrayna Təhlükəsizlik Xidməti tərəfindən həbs edilib.O, qanunsuz şəkildə həbs edilib və hazırda qeyri-qanuni olaraq naməlum yerdə girov saxlanılır. Əvvəllər də həyat yoldaşımı siyasi iş üzrə mühakimə etməyə cəhd ediblər.Həyat yoldaşım heç bir qanunu pozmayıb.Həyat yoldaşımın başına gələn və baş verənlərin hamısı Ukrayna dövlətinin hüquqi əsaslarına dayanır və bu, beynəlxalq hüquq normalarına tamamilə ziddir. Mən həyat yoldaşımın zorla saxlanmasını hüquq pozuntusunun təzahürü kimi görürəm. Cənab Ərdoğan, siz sülh dialoqunun tərəfdarısınız. Siz mənim ölkəm Ukraynanın dostu olduğunuzu dəfələrlə bəyan
etmisiniz. Həmçinin Rusiyanın da dostusunuz. Həyat yoldaşımın azad edilməsi üçün kömək edin”.
Turan Oruc
Medianews.az