Mərakeşin Şafşavan əyalətində dörd gündür xilasetmə əməliyyatı aparılır.
Belə ki, beş yaşlı Rayan adlı oğlan 30 metrdən çox dərinliyi olan quyuya düşüb.
İnsident fevralın 1-də baş verib. Uşaq üçün quyuya oksigen balonu, su, yemək və müşahidə kamerası endirilib.
Hazırda xilasetmə işlərinə yüzlərlə insan cəlb edilib. Hadisə yerində mühəndislər və xüsusi texnika çalışır.
Beş buldozerin paralel işlədiyi sahdə 19 metr dərinliyə çatmaq mümkün olub.
Həkimlər uşağa dərhal ilkin tibbi yardım göstərmək üçün hadisə yerindədirlər. Oğlanı dərhal xəstəxanaya aparacaq vertolyot da hazırdır.
Yerli sakinlər isə dəstək olmaq üçün “Twitter” sosial şəbəkəsində #SaveRayan fləşmobuna başlayıblar. Uşağın ailəsi xilasetmə əməliyyatının uğurla başa çatmasını səbirsizliklə gözləyir.