Sıfırdan uğurlu bir biznes qurmaq asan bir iş deyil. Bunun üçün səy, səbir və zəhmət – böyük zəhmət tələb olunur. “Sən sadəcə arzuların ardınca getməlisən”, – “Zira Natural & Gourmet”in təsisçisi Afət Əhmədova deyir. 2013-cü ildə marketinq şirkəti kimi yaradılan Zira, hazırda premium seqmentinə aid olan qidanın uğurlu istehsalçısıdır. Afətin sözlərinə görə, şirkəti bu səviyyəyə qaldırmaq, Beynəlxalq Ticarət Mərkəzi (BTM) tərəfindən həyata keçirilən “Şərq Tərəfdaşlığı: Ticarətə Hazır – EU4Business təşəbbüsü” layihəsinin dəstəyi sayəsində mümkün olub.

Heç vaxt təslim olma: Azərbaycanlı qadın sıfırdan uğurlu gurme mətbəxi xidməti qurdu

Afət Əhmədova

Heç vaxt təslim olma                              

Bu gün “Zira Natural & Gourmet”da onlarla işçi çalışır. Şirkət bütün konserv qidaları: kompotlar, cem, qəlyanaltı və sousları istehsal edir, onlar hamısı təbii yerli meyvə və tərəvəzlərdən hazırlanır. Istehsalin yarısı daxili bazara daxil olur, digər yarısı isə ixrac olunur.

“Satışlar artmaqdadır” Afət Əhmədova deyir. “Həmişə belə deyildi. Başlanğıcda ciddi çətinliklər var idi, amma xeyli çalışaraq, idarəetməni yaxşılaşdıraraq onları həll etdik.”

Heç vaxt təslim olma: Azərbaycanlı qadın sıfırdan uğurlu gurme mətbəxi xidməti qurdu

Aqro-qida şirkəti idarə etmək asan məsələ deyil.“Biznesə başlamaq və ya idarə etmək üçün mükəmməl vaxt deyilən bir şey yoxdur”, – Əhmədova qeyd edir.“Səbirli olmaq və hər hansı bir problemi yavaş-yavaş aradan qaldırmaq çox vacibdir. Heç vaxt təslim olma. Bu münasibət mənə çox kömək etdi”.

Belə yanaşma həm də şirkətin təcrübə qazanmasına və daha yüksək hədəflər qoymasına kömək etdi. Bunlardan biri də dünya miqyasında Azərbaycan qida sənayesi ilə əlaqələndirilən bir brend olmaq – Avropalı tərəfdaşların köməyi ilə.

“BTM dəstəyindən və EU4Business təşəbbüsündən fəal şəkildə faydalanırıq”, – Afət deyir. “Bir sıra xarici sərgilərdə iştirak etməyimizi təşkil etdilər. Onlar yeni veb saytımızın dizaynı işləmək üçün proqramçıları işə götürüblər, paralel olaraq marketinq mütəxəssisləri və maliyyə analitikləri biznes planlarımızı hazırlamağımıza kömək etdilər”.

Heç vaxt təslim olma: Azərbaycanlı qadın sıfırdan uğurlu gurme mətbəxi xidməti qurdu

Gələcək şirkət üçün parlaq görünür. 2021-ci ildə “Zira Natural & Gourmet”, məhsul xəttini genişləndirməyi və öz istehsalı üçün daha çox xammal əldə etmək məqsədi ilə yerli fermerlərlə işləməyə başlamağı planlaşdırır.

Növbəti təyinat Avropadır

Əhmədova deyir ki, hazırda Zirə üçün əsas vəzifələrdən biri məhsulunu yeni bazarlara çıxarmaqdır.

“Bunu etmək üçün xüsusi sertifikatlara, xüsusilə İSO sertifikatına ehtiyacımız var” Afət deyir. “Bu proses pandemiyaya görə dayandırıldı, lakin işlərin əksər hissəsi artıq yerinə yetirilib.

Hal-hazırda “Zira Natural & Gourmet”, məhsullarını Polşa, Rusiya, Ukrayna, BƏƏ və ABŞ kimi ölkələrdə satır. Pandemiya səbəbindən ixrac həcmi, istehsalın 50%-dən 40%-ə düşdü. Lazımi sertifikatları əldə edəndən sonra, şirkət ixracı coğrafiyasını genişləndirməyə planlaşdırır: prioritet bazarlar AB ölkələri, Kanada, Norveç, İndoneziya, Malayziya və Çindir. “Məqsəd yalnız məhsullarımızı satmaq deyil, əcnəbiləri Azərbaycan və Azəri mədəniyyəti və mətbəxi ilə tanış etməkdir”, Əhmədova əlavə etdi.

Heç vaxt təslim olma: Azərbaycanlı qadın sıfırdan uğurlu gurme mətbəxi xidməti qurdu