Həbsdə olan iş adamı Rza Zərrabla boşanma ərəfəsində olan müğənni Ebru Gündeşlə bağlı gözlənilməz iddia yayılıb.
Axşam.az-ın məlumatına görə, Türkiyə mətbuatında iddia belədir:
“Ebru bir müddətdir ki, milli futbol komandasının qapıçısı Ufuk Ceylanla görüşür. 6 illik evliliyini bitirməyə hazırlaşan müğənninin Ufukla fotoları Rza Zərrabın əlinə keçib. Həyat yoldaşından boşanmaq istəməyən Rza məhz bu fotolardan sonra vəkillərinə müraciət edib. Gənc iş adamının vəkili Şeyda Yıldırım detektiv kimi Gündeşin hər hərəkətini izləyir”.
Ən qalmaqallı iddialar isə Ebrunun Ufukun evindən, eləcə də U.Ceylan Rzanın Ebruya hədiyyə etdiyi villadan çıxarkən görüntülənməsidir. Detektivlər fotoları Rzaya çatdırdıqdan sonra həbsdə olan iş adamınn növbəti həmləsi maraqla gözlənilir.
Bu arada U.Ceylan Ebrunun heç bir konsertini buraxmır.