Terrorçular “Qadın qullar və onların azad olunması ilə bağlı suallar və cavablar” adlı təlimatını yayıb
CNN-in İŞİD-ın əxlaqi dəyərlərləri ilə bağlı hazırladığı reportaj geniş rezonans verib. Həmin reportaji kiçik ixtisarla təqdim edirik.
****
Siz qeyri-müsəlman qadını və uşağı girov götürə bilərsinizmi? İŞİD “hə” deyir. Siz onlarla cinsi əlaqədə ola bilərsinizmi? Cinsi baxımdan qız olmaq mərhələsinə yenicə qədəm qoyan azyaşlılarla necə? İŞİD “hə” deyir. Siz onları sata bilərsinizmi? Onları hədiyyə etməyə nə deyirsiz? İŞİD yenə “hə” deyir.
Bu barədə Mosulda yaşayan insanlar danışırlar. Həmin şəhər indi İŞİD-ın nəzarəti altındadır. Terrorçuların hazırladıöı “Qadın qullar və onların azad olunması ilə bağlı suallar və cavablar” adlı müraciətdə bu kimi izahatlarla qarşılaşmaq olar.
“İnsanlar kiçik qruplarla toplaşaraq bu sənədi müzakirə edirdi”, müzakirədə iştirak edən sakinlərdən biri CNN-ə bildirib. “Çoxları şoka düşmüşdü. Ancaq biz nə edə bilərdik ki”.
Bu sənəd ilk dəfə oktyabr, ya da noyabr ayında çap olunub, sonra isə İŞİD-ın vebsaytına yerləşdirilib…
İŞİD-ın qadın və uşaqları girov götürməsi, onları satması və ya zorlaması çətin ki, kimsəni təəccübləndirsin. İŞİD-ın bu cür qəddar əməlləri xüsusən Yezidilərə qarşı münasibətdə özünü daha aydın göstərdi. Yezidi qadın və uşqalarla terrorçular mal-qara kimi rəftar etdilər.
İŞİD belədir. Onların rəhbərləri bütün qəddarlıqlara bəraət qazandırır, jurnalistlərin və yardım şirkətlərində çalışan sülhpərvər insanların başının Allah yolunda kəsilməsindən danışırlar. Ancaq “Qadın qullar və onların azad olunması ilə bağlı suallar və cavablar” kimi bir sənədin ortaya çıxması dəhşətli bir həqiqətdir. Sənəddə beləcə də yazılıb: “Qadın qulları müsəlmanlar öz düşmənlərindən əsir alıblar”. İŞİD bu hərəkətlərinə bəraət qazandırmaq üçün Qurandan istifadə etməkdən belə çəkinmir.
“Əgər qız bakirədirsə, onun ağası onu aldıqdan dərhal sonra onunla cinsi əlaqədə ola bilər”, bu da İŞİD-ın izahatında yazılıb.”Əgər qız bakirə deyilsə, bir az gözləmək lazımdır. Yalnız onun başqasından hamilə olmadığı aydınlaşandan sonra, onunla da cinsi əlaqəyə girmək olar”.
Başqa bu kimi qaydalar da var. Məsələn, izahatların birində deyilir ki, əgər bir qadını iki kişi girov götürübsə, kişilərin hər ikisi o qadınla cinsi əlaqəyə girə bilər. Ancaq kişi öz həyat yoldaşının yanında çalışan qul qadınla cinsi əlaqəyə girə bilməz. Bu, yasaqdır.
„Əgər qız yaşca kiçikdir və onda aybaşı heç vaxt olmayıbsa onda qızın fiziki imkanlarına baxmaq lazımdır. Uyğundursa, onunla da çinsi əlaqəyə icazə verilir“, yuxarıda adını vurğuladığımız sənəddə belə deyilir. Bununla bağlı izahatın gerisində isə bildirilir ki, əgər qız çinsi əlaqə üçün münasib deyilsə, ondan seksual zovq almaq üçün yenə də istifadə etmək olar. Ancaq bu proses cinsi əlaqəyə girmədən baş verməlidir.
Sənəddə təlimat xarakterli məqamlar çoxdur. Orada deyilir ki, girov götürülmüş qadın öz azyaşlı uşaqlarından ayrı saxlanıla bilməz. Həmçinin hamilə qadınların qul kimi satılması da yasaq edilir. Qadın qulların təlim-tərbiyə məqsədi ilə döyülməsi İŞİD tərəfindən müsbət qarşılanır. Ancaq qulların həzz almaq məqsədi ilə döyülməsi yolverilməz sayılır.
Bəs, qul qadınlar azad oluna bilərmi? İŞİD bunu da mümkün sayır. Tutaq ki, kimsə günahsız bir insanı öldürübsə, öz günahını yumaq üçün bir qula azadlıq vermək olar.
CNN bildirir ki, İŞİD-ın belə barbar qaydalara Qurana istinadən bəraət qazandırmağa çalışması islam alimləri tərəfindən qətiyyətlə rədd edilir. Onlar İŞİD-ın törətdiyi vəhşiliklərin islamla heç bir əlaqəsi olmadığını bildirirlər. İŞİD-i İslam dünyasına qara ləkə hesab edib bu təşkilatı lənətləyənlər də çoxdur…
Musavat.com