Bu gün Avropa Liqasında pley-off mərhələsinin ilk oyunları keçirilib.
Qol.Az-ın məlumatına görə, Azərbaycan çempionu “Qarabağ” da turnirdə növbəti oyununa çıxıb.
Qurban Qurbanovun komandası İsveçrənin “Yanq Boyz” klubu ilə üz-üzə gəlib. Ötən mövsüm qrup mərhələsinə vəsiqə qazanan təmsilçimiz bu dəfə də ən azı həmin uğurunu təkrarlamağa çalışacaqdı. Bunun üçün səfərdə keçirilən ilk oyunda sərfəli nəticə qazanmaq lazım idi ki, son Azərbaycan çempionu da bunu bacarıb. Riçard Almeydanın 67-ci dəqiqədə vurduğu qol “Qarabağ”a minimal hesablı qələbə qazandırıb – 1:0.
Qeyd edək ki, bu komandalar arasında cavab görüşü bir həftə sonra Bakıda keçiriləcək.