Teleaparıcı Kəmalə Piriyevanın Milli.Az-a müsahibəsi.
– Kəmalə xanım, aparıcısı olduğunuz “Piknik” verilişi bu mövsümlük başa çatdı. Digər verilişlər tətildən qayıdıb yeni mövsümə başlayır, siz isə əksinə, mövsümə indi xitam verirsiniz. Bu tərs mütənasiblik nə ilə əlaqədardır?
– Bu mövsüm kifayət qədər işlədik. Çəkilişlərimiz çox oldu. Tətilə məhz indi çıxmağımıza elə də bir səbəb yoxdur. Lakin deyə bilərəm ki, verilişin formatı da buna qismən təsir etdi.
– Son zamanlar xəbər portallarında şəkilləriniz paylaşıldı və açıq-saçıq adıyla təqdim olundu. Buna münasibətiniz necədir?
– Bu mənim üçün anlaşılmaz haldır. Yazırlar ki, teleaparıcının ayağı göründü, belə dayandı və s. Burada qeyri-normal nə var ki? Mən həmişə öz geyim tərzimi bilmişəm. Həddindən artıq açıq-saçıq geyimlərdən istifadə etməmişəm. Kimin üçünsə qısa görünə bilər, mənim üçün normaldır.
– Efirdən kənarda necə geyinirsiniz bəs?
– Sərbəst geyinirəm. Mən rahat olmağımı istəyirəm, heç kim mənim geyimimə müdaxilə edə bilməz. Necə ki, mən heç kimin geyiminə, şəxsi həyatına qarışmıram.
– Şəxsi həyatdan söz düşmüşkən, hələ də subaylıqdır? Bir müddət əvvəl heç vaxt ailə qurmayacağınızı demişdiniz. Bu qərarınız qüvvədən düşməyib ki?
– Xeyr, düşməyib. Qərarımda qətiyəm.
– Ümumiyyətlə, həyatınızda “havalar” necədir?
– Hal-hazırda həyatımda bir “qasırğa” qopmaqdadır.
– Bu nə ilə əlaqədardır? Bəlkə, depressiyadasınız?..
– Depressiyaya düşdüyüm məqamlar olur. Amma özüm-özümü vəziyyətdən çıxartmağı bacarıram.
– Bunu necə bacarırsınız?
– Tənhalığa çəkilməklə, şəhərdən uzaqlaşmaqla.
– Həm tanınmış adamsınız, həm də gözəl və cazibədar… Maraqlıdır, yolda getdiyiniz zaman arxanızca düşüb, söz atmaq istəyənlər olur?
– Bəlkə də buna cəhd etmək istəyənlər olub, amma mənim auram, davranışlarım, bəlkə də onları qorxudur (gülür).
– Ümumiyyətlə, sizcə, gözəlliyinizlə kişi nəzərini özünüzə “darta” bilirsiniz?
– Bu ifadə çox səslənsə də, deyəcəm. Mən tam səmimi deyirəm ki, özümü gözəl hesab etmirəm. Sadəcə olaraq, “şirinliyim” var, bəlkə, ona görə diqqətləri tez öz üzərimə çəkirəm.
– “Sonuncu fəsil” serialı da sizin üçün kifayət qədər uğurlu oldu. Çəkilişlər davam edir?
– Bəli, özümü aktrisa kimi də sınadım. Tamaşaçıların da rəyinə əsasən demək olar ki, işimin öhdəsindən gələ bildim (gülür).
– Aktrisalıq qabiliyyətinizi serialdan savayı harada sınamısınız?
– Dövlət Gənc Tamaşaçılar Teatrında “Məhv olmuş gündəliklər” tamaşasında əsas rollardan birini oynamışam. Görək də, xeyirlisi, yəqin, axırıncı yox, axarıncı olar… (gülür).
http://i077.radikal.ru/1409/66/c0e2791fc92e.jpg
http://s009.radikal.ru/i310/1409/42/2d4498fcb3a2.jpg
http://s017.radikal.ru/i421/1409/0d/d84d65781a97.jpg
http://s010.radikal.ru/i313/1409/c6/85443d449b95.jpg
http://i064.radikal.ru/1409/cd/6498ac196839.jpg
http://s011.radikal.ru/i318/1409/bb/4d008b62413b.jpg
http://s019.radikal.ru/i636/1409/3e/6f720da2c044.jpg
http://s017.radikal.ru/i424/1409/97/b1d76877dda2.jpg
http://s020.radikal.ru/i705/1409/29/6a0cc7f939c4.jpg
http://s008.radikal.ru/i305/1409/97/49539365717e.jpg