Bakının Binəqədi rayonu ərazisində ölümlə nəticələnən partlayış olub. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, partlayış Binəqədi rayonu Biləcəri qəsəbəsi ərazisindəki “ANT İnşaat” şirkətinin qarajındakı təkər təmiri sexində olub. Orada işləyən Abşeron rayon sakini Vüsal Hüseynovun təmir etdiyi təkər partlayıb. Nəticədə, V.Hüseynov aldığı xəsarətdən ölüb.