Qazaxıstanın Bek Air aviaşirkətinin təyyarəsi bu gün səhər saatlarında Astana hava limanında qəza enişi edib.
BAKU.WS oxu.az-a istinadən xəbər verir ki, bu barədə məlumatı Qazaxıstanın Fövqəladə Hallar Nazirliyinin nümayəndəsi Ruslan İmankulov verib.
“Bu gün saat 10:37 radələrində Astana aeroportunda Bek Air şirkətinin Qızılorda-Astana marşrutu üzrə uçan təyyarəsi qəza enişi edib. Qəzanın texniki səbəbləri bəradə şirkət özü məlumat verəcək” – İmankulov deyib.
Təyyarini göyərtəsində 116 sərnişin və 6 ekipaj üzvü olub. Xəsarət alan olmayıb.
Qeyd olunur ki, təyyarə eniş edərkən onun qabaq şassiləri açılmayıb.
BAKU.WS