Media
“Bu gün Türkiyə – Azərbaycan əlaqələri əsrin “qızıl dövrünü” yaşayır. İstər İkinci Qarabağ müharibəsi , istərsə də ondan sonrakı dövr olsun bu əlaqələr gündən – günə daha da güclənir”.
Bu sözləri Medianews.az –a politoloq Məhəmməd Əsədullazadə bildirib.
Politoloq qeyd edir ki, Türkiyə və Azərbayacan bir millət, iki dövlətdir:
Bu gün Cənab İlham Əliyev və Rəcəb Tayyib Ərdoğanın dostluğu bütün dünyaya örnəkdir:
“Lakin Türkiyənin qərbdən asılı olan siyasi hakimiyyəti dövründə Azərbaycanla Türkiyə arasında münasibətlər bu günkü səviyyədə deyildi. Türkiyə tərəfdən Azərbaycana heç bir siyasi dəstək vermirdi.
Rəcəb Tayyib Ərdoğan hakimiyyətə gəldikdən sonra Türkiyənin Azərbaycana həm siyası, həm də hərbi dəstəyi daha da artdı. Çünki Ərdoğan prezident seçildikdən sonra Türkiyə yanımızda oldu. Bu gün Türkiyə – Azərbaycan qardaşlığı istədiyimiz mövqedədir. Hesab edirəm ki, Ərdoğan yenidən prezident seçiləcəyi təqdirdə münasibətlərimiz daha da inkişaf edəcək. Xüsusi ilə hərbi texniki sahədə birgə layihələrin həyata keçirilməsi reallaşacaq. Çünki geo siyası reallıqlar bunu tələb edir.
Bu gün iqtisadi sahədə əlaqələrimiz istədiyimiz səviyyədə deyil. Bu əlaqələri inkişaf etdirmək üçün güclərimizi birləşdirməliyik.
Türkiyə- Azərbaycan münasibətləri xarici siyasətdə konfidrativ sistemə keçirilməlidir. Əminəm ki, indiki prezident cənab Ərdoğan seçiləcəyi təqdirdə bu yöndə addımlar atılacaq”.
Mehin Mehmanqızı
Medianews.az
