Elon Mask Twitter-i ələ keçirəndən bəri şirkət gəlir əldə etmək üçün yeni yollar tapmağa çalışır. Ötən ilin noyabrında istifadəyə verilən Twitter Blue onlardan biridir. Ancaq altı ayda nəticə gözlənilən kimi olmayıb. Abunəçilərin yarısı da abunəlikdən çıxıb.
Medianews.az bildirir ki, abunəçilərin 150 mindən 68 min 157-nə abunə olmağa davam etdiyi halda, qalanları abunəliyini ləğv edib. Bu, 80 mindən çox itki deməkdir.
Twitter Blue-nun yüksək zərər nisbəti mütəxəssisləri də təəccübləndirib. Onlayn abunə xidməti üçün bu nisbətin çox yüksək olduğu müəyyən edilib ki, bu da sistemin uzunmüddətli perspektivdə dayanıqlı olmadığını nümayiş etdirir. Bir araşdırmaya görə, abunə əsaslı müəssisələr üçün orta hesabla 5,57 faiz təşkil edir.
Twitter Blue-nun işə salındıqdan dərhal sonra bəzi mavi işarələri deaktiv etməsi, Twitter Blue-nun erkən abunəçiləri olan və sonra abunəliyini dayandıranların qərarlarına da təsir göstərə bilər. Fırıldaqçılar və prankerlər məşhur insanların və təşkilatların adlarını götürərək ortalığı qarışdırdılar. Şikayətlərdən sonra Twitter bu hesabları ləğv edib.
Problem sonradan həll olunub və Twitter Blue yenidən işə salınıb. Lakin bu vəziyyət, deyəsən, çoxlarını narahat edib.
Medianews.az