Media
Cənubi Koreyadakı Leeum İncəsənət Muzeyində qəribə hadisə baş verib.
Medianews.az xəbər verir ki, divara yapışqan lentlə yapışdırılmış banandan ibarət sənət əsəri sərgiləndiyi Cənubi Koreyanın paytaxtı Seuldakı muzeydə bir sənət tələbəsi tərəfindən yeyilib.
“The Korea Herald” qəzetinin xəbərinə görə, italyan rəssam Maurizio Cattelanın “BİZ” adlı 38 parçadan ibarət fərdi sərgisi Seuldakı Leeum İncəsənət Muzeyində sənətsevərlərlə görüşüb.
Divara yapışdırılmış banandan ibarət “Komediya” adlı sənət əsəri də sərginin bir hissəsidir.
Muzeyi ziyarət edənlərdən biri, Seul Milli Universitetində incəsənət üzrə təhsil alan tələbə divardakı bananı götürüb və qabığını soyaraq yeyib. Daha sonra isə qabığını yenidən divara yapışdırıb.
Tələbə bananı niyə yediyini soruşan muzey rəsmilərinə “səhər yeməyim yox idi, acdım” deyib. cavabını verib.
Hadisədən sonra yerli mətbuata açıqlama verən tələbə “müasir sənətə zərər vurmağı sənət əsəri kimi şərh etmək olar” deyə düşündüyünü bildirib.
Bu vaxt muzeyin tələbədən dəymiş ziyanı ödəməsini tələb etməyəcəyi öyrənilib.
Məlumdur ki, əsərdə istifadə olunan banan 2 və ya 3 gündən bir yenilənir.
Aytac Şahin
Medianews.az
