“Biraz inkişaf elədikdən sonra artıq, qəbir daşları yerinə insanlar digital monitor da qoymağa başlayacaqlar. Qədimdə nə fotoaparat olub, nə də rəssamlıq o qədər inkişaf edib ki, qəbir daşlarının üstünə şəkil çəksinlər”.
Bu sözləri ilahiyyatçı Elşad Miri Referans.az-a məzar daşlarının üstünə vəfat edən şəxsin şəklinin qoyulması ilə bağlı danışarkən deyib. O, belə bir adətin islamda şərt olmadığını bildirib:
“İslam dinində ölən şəxsin şəkli qəbir daşının üstünə vurulmalıdır deyə bir qanun və ya şərt yoxdur. Sadəcə insanlar bunu özlərində bir şərt halına gətiriblər. Biz tarixə baxdıqda bunun şahidi oluruq ki, Məhəmməd peyğəmbərin dövründə nə fotoaparat olub, nə də rəssamlıq inkişaf etmişdi. Bunun islama heçbir aidiyyatı yoxdur. Hər bir ölkənin öz adəti var, Asiya ölkələrinin əksəriyyətində insan öldükdən sonra onu yandırırlar və külünü evin bir yerinə qoyurlar. Yəni bu kimi adətlər dünyanın hər bir yerində var. Bu gün sabah qəbir daşı əvəzinə digital monitor qoyacaqlar”.