Dünən Azərbaycanın ilk qorxulu filmi olan “Xənnas” növbəti dəfə tamaşaçılara təqdim edildi. Media nümayəndələrinin üstünlük təşkil etdiyi gecədə filmin yaradıcı heyəti də iştirak edirdi.
Medianews.az xəbər verir ki, filmdə əsas obrazlardan birini canlandıran Pərvin Abıyeva filmin çəkiliş prosesindən danışıb:
“Bu filmin ərsəyə gəlməsi üçün çox əziyyət çəkdik. Belə ki, axşam saat 6- dan səhər 6 -ya qədər çalışdıq. Bilirsiniz ki, Şəki mistik şəhərdir. Gecələri isə bir başqa qorxulu olur. Çəkiliş vaxtı axşam qorxaraq çəkilişə çıxırdım. İki ay çəkən çəkiliş bizim üçün iki ilə bərabər oldu. Yuxusuz , əziyyətli günlərimiz oldu. Bu gün ikinci dəfə bu qədər insanların qarşısında olmağımız o əziyyətin bəhrəsinin göstəricisidir”