Naxçıvanda ənənəvi Novruz yarmarkası fəaliyyətə başlayıb

Bu gündən Naxçıvan şəhərindəki Xətai küçəsində yerləşən Mərkəzi Bazarda Novruz yarmarkası fəaliyyətə başlayıb.

Medianews.az Reportun yerli bürosuna istinadən xəbər verir ki, Novruz yarmarkasına muxtar respublikamızın ayrı-ayrı bölgələrindən fermerlərin, ailə təsərrüfatçılarının çıxardıqları məhsullar həm çeşid müxtəlifliyi, həm də keyfiyyəti ilə seçilir. Müxtəlif meyvə-tərəvəz, quru meyvələr, təbii meyvə şirələri, heyvandarlıq məhsulları, göy-göyərti, eləcə də şirniyyatlar, paxlava, şəkərbura alıcılara daha münasib qiymətlərlə təklif edilir.

Bazarda Novruz yarmarkası martın 19-dək davam edəcək.