Rusiya lideri Vladimir Putinə yaxın olan Çeçenistan lideri Ramazan Kadırovun zəhərlənə biləcəyi iddia edilib.
Medianews.az bildirir ki, Rusiyanın Ukraynaya müdaxiləsinin ən böyük dəstəkçilərindən olan Çeçenistan lideri Ramazan Kadırovun səhhətində ciddi problemlər olduğu iddiası İngiltərə mətbuatında yer alıb.
“Daily Mail”də çıxan xəbərə görə, Rusiya lideri Vladimir Putinə yaxın olan Kadırov son vaxtlar ciddi böyrək ağrılarından əziyyət çəkir və Rusiyadakı həkimlərə etibar etmədiyi üçün Birləşmiş Ərəb Əmirliklərindən mütəxəssis həkim çağırıb.
Mətbuat katibinin sözlərinə görə, zəhərlənmiş ola biləcəyindən narahat olan çeçen liderinin ötən ay Putinin Ukrayna işğalının ildönümü ilə bağlı keçirdiyi görüşə qatılmadığı iddia edilib.
Ukraynaya çeçen silahlıları göndərərək Rusiya ordusuna dəstək verən və hətta lazım gələrsə nüvə silahından istifadəni müdafiə edən 46 yaşlı Kadırova yaxın olan çeçen komandir Apti Aludinov ötən ay zəhərlənərək xəstəxanaya yerləşdirilmişdi. Çeçen komandirə qarşı sui-qəsd olduğu iddia edilib.