Media
Dünyanın ən bahalı maşını Fransada keçirilən hərrac zamanı satılıb.
Medianews.az xəbər verir ki, Fransanın məhşur avtomobil şirkətlərindən olan “Bugatti”-nin yalnız bir ədəd istehsal etdiyi “Chiron Profilee” avtomobili paytaxt Parisdə açıq satışa qoyulub.
Maşın “Sotheby’s Hərrac Evi”-ndə təşkil edilən açıq artırma zamanı 10,7 milyon dollara satılıb. Yalnız qonaqların qatıldığı özəl auksionda avtomobilin təxmini qiymətindən 2 dəfə baha satıldığı və qiymət etiketinin vergilərlə birlikdə 13,1 milyon dollara yüksəldiyi bildirilib.
Kimliyi açıqlanmayan şəxs tərəfindən satın alınan “Chiron Profilee” avtomobilin dörd turbolu W16 8.0 litrlik mühərrikə sahib olduğu açıqlanıb.
Deyilənə görə, bu avtomobil “W16 Chiron” seriyasının sonuncusu ola bilər.
Beləliklə, sözügedən avtomobil dünyada satılan ən bahalı maşın olaraq qeydə alınıb.
Aytac Şahin
Medianews.az
