21 il əvvəl 15 dəqiqə müddətində kliniki ölüm keçirən, lakin həkimlərin müdaxiləsindən sonra həyata qayıdan Linda adlı qadın bu proses ərzində gördüklərindən danışıb. Onun sözləri tez bir zamanda dünya mətbuatında gündəmə çevrilib.
Medianews.az xəbər verir ki, Youtube kanalında yayımlanan reportajda Linda deyir ki, getdiyi yerdə zaman qavramı olmayıb:
“Orada Everest dağından 30.000 dəfə böyük zirvələr var idi. Mən çiçək tarlasında idim. Göydələnlərlə birlikdə dağları da görürdüm. Dubay onlarla miniatür kimi görünürdü. Oradakı insanlarla əlaqə saxladım, onlar da mənimlə danışırdılar”.
Linda 15 dəqiqə bu vəziyyətdə qalsa da, ayılandan sonra 5 ildir orada olduğunu hiss etdiyini vurğulayıb.
Qeyd edək ki, Lindanın başına gələn bu hadisə ‘ölümə yaxın təcrübələr’ adı ilə NDE Gündəliyi tərəfindən qeydə alınıb.
Aytac Şahin