Media
Çinli alimlər laboratoriya şəraitində lazer şüaları ilə günəş alovlarının xüsusiyyətlərini əks etdirən təcrübə aparıblar.
Medianews.az xəbər verir ki, nəticələri “Nature Physics” beynəlxalq elmi jurnalında dərc edilən təcrübədə günəş alovlarını yaradan plazmaların strukturunu meydana gətirdiyi düşünülən “şiddətli maqnit birləşmələri” süni şəkildə yaradılıb.
Təcrübə Şanxayda yüksək gərginlikli lazer tədqiqatlarının aparıldığı Şinguanq-2 Milli Laboratoriyasında aparılıb.
Tədqiqatçılar yüksək gərginlikli lazer sistemindən istifadə edərək günəş alovunun əmələ gəlməsi prosesinin genişləndirilmiş simulyasiyasını aparıblar.
Metodun astronomik müşahidələr əsasında yaradılmış nəzəri modellərin sınaqdan keçirilməsinə imkan yaradacağını vurğulayan tədqiqatçılar bunun günəş alovlarının və digər enerji tutumlu astrofiziki hadisələrin anlaşılmasına, yeni fiziki proseslərin kəşfinə töhfə verəcəyini bildiriblər.
