Media
Artıq bir müddətdir ki, İctimai TV kanalında yayımlanmağa başlayan, dram, triller və detektiv janrlarında olan Azərbaycan serialı “Əqrəb mövsümü” böyük səs-küy yaradıb.
Medianews.az xəbər verir ki, sözügedən serialla bağlı böyük bir fikir ayrılığı yaranıb.
Serialı bəyənənlərlə yanaşı tənqid edənlər də az deyil.
Trend İnformasiya Agentliyinin redaktoru Elgün Mənsimov da serial haqqında tənqidi fikirlər səsləndirib.
Jurnalist fikirlərini sosial media hesabında paylaşaraq bunları deyib:
“Neçə gündür az qala hər kəs “Əqrəb Mövsümü”ndən ağızdolusu danışır. Mənim isə ağzım yox, ürəyim doludur.
Bəli, dünya filmlərində bu taktikadan gen-bol istifadə olunur. Lakin o filmlərin cəmiyyəti üçün o söyüşlər və ifadələr də normaldır, bizim cəmiyyət üçün isə belə şeylər normal deyil. Yaxşı ki də normal deyil. Təəssüf ki, kimlərsə bunu normallaşdırmaq istəyir. Əgər hansısa bir sözü küçədə, avtobusda, yəni ictimai yerdə açıq formada işlətməkdən çəkiniriksə, filmdə də bundan çəkinməliyik. Çünki film də ictimai mahiyyət daşıyır. Bir sözlə, mən filmlərdə açıq mətnli söyüşlərə və nalayiq ifadələrə çox pis baxıram!
