Media
Kremlin sözçüsü Dmitriy Peskov, ABŞ-ın Ukraynaya göndərməyi planlaşdırdığı “Abrams” tanklarının təsirinin genişləndirilməməsi lazım olduğunu ifadə edərək, “Bu tanklar da digərləri kimi yanacaq. Amma onlar çox bahadır və qiyməti ilk növbədə avropalı vergi ödəyiciləri ödəyəcək”, – deyə o bildirib.
Medianews.az bildirir ki, Kremlin sözçüsü Dmitriy Peskov paytaxt Moskvada jurnalistlərə verdiyi açıqlamada ABŞ-ın Ukraynaya mümkün Abrams tankı göndərilməsini dəyərləndirib.
Bir çox mütəxəssisin texniki baxımdan daşınmanı “absurd” tapdığına diqqət çəkən Peskov, “Bu plan texnoloji səbəblərə görə uduzmuş bir plandır və daha da əhəmiyyətlisi Ukrayna Silahlı Qüvvələri üçün potensialı açıq şəkildə şişirdilmişdir” deyib.
Abrams tanklarının xərcinin avropalılar tərəfindən qarşılanacağını deyən Peskov, “Bu tanklar da digərləri kimi yanacaq. Halbuki onlar çox bahadır və xərci ilk növbədə avropalı vergi ödəyiciləri ödəyəcək. Amerikalılar da yaxşı qazanc əldə edəcəklər” deyib.
ABŞ-ın Ukraynaya “Abrams” tipli döyüş tankları göndərmək qərarını tezliklə açıqlaması gözlənildiyi halda, Almaniyanın Ukraynaya “Leopard” tankları göndərməyə qərar verdiyi iddia edilib.
Almaniyanın Polşa və Skandinaviya ölkələri də daxil olmaqla digər ölkələrə də tankların Ukraynaya çatdırılmasına icazə verəcəyi iddia edilir.
