Norveçli alimlər qrupu, kimyaterapiyadan sonra xəstənin bədənində istehsal olunan ERK1/2 miqdarının birinin beş il ərzində sağ qalıb-qalmamasını proqnozlaşdırmağa kömək edə biləcəyini bildirib.
Medianews.az xarici mətbuata istinadla xəbər verir ki, alimlər kəşf ediblər ki, kimyaterapiyaya başladıqdan bir gün sonra götürülən qan nümunəsi xərçəng xəstələrinin sağ qalıb-qalmadığını müəyyən edə bilər.Əgər həkimlər kimyaterapiyanın nəticə verməyəcəyini erkən öyrənsələr, xəstələri daha uzun yaşamaq şanslarını artıra biləcək digər dərmanlara və müalicələrə keçə biləcəklərinə dair əhəmiyyətli bir ümid işığı var.
Tədqiqatçılar, müalicənin ilk 24 saatında kimyaterapiyaya yaxşı reaksiya verməyən xəstələrin bədənində artan protein miqdarının olduğunu söyləyirlər.
Norveç komandası, 32 nəfərlik araşdırmada tapılan kəşfin həkimlərə dərmanlara yaxşı reaksiya verməyən xəstələri erkən müalicə etməyə imkan verə biləcəyini və bu kəşf sayəsində daha çox insanın xərçənglə mübarizə apara biləcəyini bildirir.
Metod, sağ qalma nisbətləri aşağı olan kəskin miyeloid leykemiya adlanan xüsusilə aqressiv qan xərçəngi növündə əhəmiyyətli nəticələr əldə edib. Bu xəstəlik genetik dəyişikliklərlə səciyyələnən kök hüceyrə mənşəli miyeloid bədxassəli xəstəlik kimi özünü göstərir.
Kimyaterapiya ilkin olaraq işləməyə meylli olsa da, bədənlərində leykemiyaya davamlı hüceyrələr meydana gəldiyi üçün xəstəlik tez-tez təkrarlanır. Bu vəziyyətin məlum standart müalicəsi daunorubisin, idarubisin və sitarabin preparatlarının birləşməsindən ibarətdir.
Xəstənin müalicəyə reaksiyası adətən həftələr və ya aylar sonra müəyyən edilə bilər, lakin bu yeni metod xərçəng hüceyrələrinin funksional xüsusiyyətlərinə baxaraq, kemoterapinin işlədiyini dərhal qiymətləndirmək potensialına malikdir.
Mehin Mehmanqızı
Medianews.az