Sabah 20 Yanvar faciəsinin otuz üçüncü ildönümüdür. 20 Yanvar tarixi, Azərbaycan xalqının silinməz yaddaşına çevrilmiş qanlı və şanlı bir hadisədir. Məktəblərdə “20 Yanvar”a həsr olunmuş tədbirlərin təşikili ən vacib məsələlərdən hesab olunur və təsadüfi deyil ki, şagirdlər bu anım günlərində iştiraka böyük həvəslə yanaşır.
20 Yanvar faciəsinin otuz üçüncü ildönümü ərəfəsində Azərbaycan Milli Konservatoriyası tərkibində Respublika İncəsənət Gimnaziyasının 2C sinif şagirdləri bu tarixi dərin hüznlə andı. Gimnaziyada müstəqilliyə gedən yolda böyük bir çıraq olan yanvar şəhidləri yad olundu.
2C sinifinin rəhbəri Nərmin Teymurova 20 Yanvar hadisəsi haqqında şagirdləri məlumatlandırdı. Qeyd etdi ki, xalqımızın başına gətirilən hadisələr bizim tariximizdir. Bu tarix haqqında şagirdləri məlumatlandırmaq, silinməz qan yaddaşımızı nəsildən-nəsilə ötürmək vacib amildir. Çünki hər bir azərbaycanlı bu gün sahib olduğu müstəqiliyin, suveren və demokratik dövlətdə yaşamağın hansı qurbanlar və mücadilələr sayəsində başa gəldiyini unutmamalıdır.
Medianews.az