Gənc qadının güllələnərək öldürülməsi ilə bağlı dəhşətli təfərrüat: “Anan kəfənini hazırlasın”

Türkiyədə daha bir qorxunc qətl hadisəsi baş verib.

Medianews.az xəbər verir ki,  hadisə türkiyənin İzmir şəhərində baş verib.

İzmirin Karabağlar rayonunda Mehmet Atabayın evli olduğunu öyrəndikdən sonra ondan ayrılmaq istədiyi üçün çıxan mübahisədə tapança ilə öldürülən Necmiye Vuralın dəfələrlə hədələndiyi iddia edilir.

Qatil son olaraq telefonla öldürdüyü qadının qızına zəng edərək “anan kəfənini hazırlasın” deyib.

Aparılan ekspertizada mədə və boyun nahiyəsindən güllə yarası aldığı təsbit edilən Necmiye Vuralın cəsədi bu gün günorta saatlarında torpağa tapşırılıb.

Polis hadisədən sonra qaçan Mehmet Atabəyi iş yerində yaxalayaraq saxlayıb. İfadəsində günahını etiraf edən Mehmet Atabay gətirildiyi məhkəmə tərəfindən həbs edilib.

Medianews.az