Media
Türkiyənin Suriya və İraqın şimalında məqsədi terrora son qoymaqdır.
APA-nın İstanbul müxbiri xəbər verir ki, bu barədə Türkiyə milli müdafiə naziri Hulusi Akar bildirib.
O qeyd edib ki, qonşu ölkələr bunu özləri edə bilmədiyi halda, Türkiyə sərhədlərinin təhlükəsizliyini təmin etmək üçün anti-terror əməliyyatlarını keçirməyə məcburdur.
“Bizim məqsədimiz sadəcə terrorçularla mübarizədir, PKK ilə YPG-nin fərqi yoxdur. Bizim oradakı insanlarla heç bir problemimiz yoxdur, türk və kürdlər qardaşdır”, – deyə o vurğulayıb.
Akar əlavə edib ki, Türkiyə Silahlı Qüvvələri anti-terror əməliyyatları zamanı mülki şəxslər və tarixi abidələrə qarşı son dərəcə həssasdır.
