Həbib Nurməhəmmədov ötən ilin ən yaxşı məşqçisi seçilib

Mütləq Döyüş Çempionatının (UFC) yüngül çəkidə keçmiş çempionu rusiyalı Həbib Nurməhəmmədov və meksikalı Xavyer Mendes 2022-ci ilin ən yaxşı məşqçiləri seçiliblər.

Medianews.az report-a istinadən xəbər verir ki, onlar nüfuzlu “MMA Junkie” portalının versiyasına əsasən, bu ada layiq görülüblər.

Nurməhəmmədov və Mendes İslam Maxaçev, Usman və Umar Nurməhəmmədov, həmçinin Bilal Məhəmməd kimi yüksək səviyyəli döyüşçülərə məşq keçirlər.

Qeyd edək ki, Həbib Nurməhəmmədov 2020-ci ilin oktyabrında karyerasını bitirib. O, karyerası ərzində 29 döyüşünün hamısını qələbə ilə başa vurub. Bunlardan 13-ü UFC-yə təsadüf edib.