Mərhum sənətkarın oğlu: “Mədəniyyət nazirliyi heç başsağlığı da vermədi”

Mərhum rejissor, əməkdar incəsənət xadimi Oruc Qurbanov 23 dekabrda əbədi olaraq haqq dünyasına qovuşdu. Ölümündən sonra ailəsi Mədəniyyət nazirliyinin onlarla maraqlanmadığını qeyd edərək narazılığını bildirdi.

Medianews.az  xəbər verir ki, bu gün mərhum sənətkarın oğlu məsələyə aydınlıq gətirdi:

“Atamı itirdiyim saatdan bu günə kimi  Azərbaycan Dövlət Lənkəran Dram Teatrın rəhbərliyi, İntiqam Hacılı, Anar Babalı və teatrın kollektivi bizim yanımızda olub, acımıza şərik oldular. Yazılan xəbərlərə aydınlıq gətirmək istəyirəm. Mənim Atam Oruc Qurbanov öz həyatını teatra bağladı və son dəqiqələrinə kimi ancaq teatrdan istəklərindən danışdı. Sual verildi ki, Bakı teatrlarında onlarla tamaşaya quruluş vermişdi bir kimsə gəlib baş sağlığı verdimi? Xeyr gəlmədilər. Mədəniyyət Nazirliyindən sizə baş sağlığı verildimi? Xeyr.

Atam Lənkəran teatrının səhnəsindən alqışlarla son mənzilə yola salındı. Xəstə olan vaxtlarda yalnız çalışdığı teatrının rəhbərliyi, eləcə də kollektivi maraqlandı. Bir daha bizim yanımızda olub, acımıza şərik olan dəyərli dostlara minnətdarlığımı bildirirəm”.

Mehin Mehmanqızı

Medianews.az