Media
İlon Mask Twitter-də Apple-a qarşı müharibəsinin bitdiyini açıqlayıb. Məlum olub ki, Mask və Tim Kuk bir araya gələrək yaranan soyuq münasibətə son qoyublar.
Medianews.az xəbər verir ki, İlon Maskın sözlərinə görə, Apple Twitter-də reklamlara qayıdıb. Mask bunu şəxsi təyyarəsindən Twitter Spaces söhbəti zamanı deyib.
Qeyd edək ki, Noyabrın 28-də Mask Apple-ın “Twitter-də reklamını böyük ölçüdə dayandırdığını” söyləmişdi və platformanın iOS müştərisinin App Store-dan silinə biləcəyini iddia etmişdi. Mask izləyicilərinə “Apple”ın reklamı ləngitdiyini demişdi.
Mask, Apple-a qarşı səsini ucaltdıqdan iki gün sonra Tim Cook ilə görüşdüyünü söyləmişdi. İndi isə “Biz Twitter-in App Store-dan silinməsi ilə bağlı anlaşılmazlığı aradan qaldırdıq”-deyərək aradakı gərginliyin bitdiyini bildirib.
Medianews.az
