Media
Braziliya və dünya futbolunun əfsanəvi adlarından biri olan, bir müddətdir xərçənglə mübarizə aparan və son vaxtlar yaşadığı ürək xəstəliyi səbəbilə xəstəxanaya yerləşdirilən Pele palliativ müalicəyə aparılıb.
Braziliyalı futbol əfsanəsi Pele çərşənbə axşamı “ürək xəstəliyindən” əziyyət çəkdiyi üçün San-Pauludakı Albert Eynşteyn xəstəxanasına aparılıb.
Pelenin qızı Kely Nascimento mediada yer alan xəbərdən sonra “Fövqəladə və ya pis bir vəziyyət yoxdur” deyərək futbol azarkeşlərinin narahatlığını sakitləşdirib.
Ölkə mətbuatında çıxan son xəbərlərə görə, 2021-ci ilin sentyabrında bağırsaq xərçəngi diaqnozu qoyulan və o vaxtdan bəri kimyaterapiya alan Pelenin bədəninin artıq kimyaterapiyaya reaksiya vermədiyi və buna uyğun olaraq şikayətlərinin də artdığı bildirilib.
