Media
Cəmiyyətin aktual olan mövzulardan biridə uşaq pulunun nə zaman verilcəyidir. İctimai nəqliyyatda və digər yerlərdə israrla “uşaq pulda ödənilməlidir”, deyən şəxslər görəsən düşünürmü bu balaca balaların haqqı necə ödəncək?
Uşaq 18 yaşına çatanda qapımızı döyənlər niyə demir ki, bu günə qədər bu uşaq harada böyüdü, ona kim, necə baxdı ki, bu gün bir vətəndaş oldu.
Mövzu ilə bağlı hüquqşünas Tağı Hüseynov Medianews.az-a danışdı.
O, qeyd etdi ki, uşaqlarla bağlı heç bir dövlət yardımı olmadığı təqdirdə bu pulun ödənməsi, uşağın digər xərcləri valideyin tərəfindən qarşılanması acnacaqlı bir haldır:
“Uşaq pulu verilməsinin zamanı gəlib, hətta gecikib. Təbii sərvətlərlə zəngin olan bir dövlətin uşaq pulu verməməsi ayıbdır. Bu gün azadlıqdan məhrum edilənlərin əksəriyyəti alimentə görə məsuliyyət daşıyan şəxslərdir ki, bu da yaxşı hal deyil.
Azərbaycan kişisinin bu qədər əzaba düçar olması yol verilməzdir. Orta və minimum əmək haqqını nəzərə alsaq bu alimentlə uyğunluq təşkil etməyəcək. Çünki 3 uşağı olan kişi hər birinə 193 manat ödəsə, minimum əmək haqqından 2-3 dəfə çox edir.
Uşaqların ictimai nəqliyyatdan istifadəsi məsələsinə gəlincə Nazirlər kabinetinin 141 saylı qərarına əsasən 5 yaşından yuxarı uşaqlara məcburi şəkildə gediş haqqını ödəməlidir.
Böyük təssüf hissi ilə qeyd etmək istəyirəm ki, uşaqlarla bağlı heç bir dövlət yardımı olmadığı təqdirdə bu pulun ödənməsi, uşağın digər xərcləri valdeyin tərəfindən qarşılanması acnacaqlı bir haldır. Elə valideyin var ki, maddi rifahı çox aşağıdır. Bunlar mütləq şəkildə nəzərə alınmalıdır.
Güman edirəm ki, Milli Məclis bununla bağlı yeniliklər edəcək, çünki artıq elə cəmiyyətdə yaşayırıq ki, bir uşağın xərcləri böyüklər qədərdir və heç olmasa bunun bir qismini dövlət qarşılamalıdır.”
Ayşən Azadova
Medianews.az
