Ukrayna əsgərinin Rusiyanın T-80 tankını təkbaşına məhv etməsinin görüntüləri hər kəsi şoka salıb. Paraşutçu əsgərin gizləndiyi ağacların arasından qəfil çıxaraq tankı zərərsizləşdirməsi görüntüləri pilotsuz təyyarənin kameralarına əks olunub.
Medianews.az Ukrayna mediasına istinadən xəbər verir ki, Rusiyanın Ukrayna müharibəsində istifadə etdiyi T-80 döyüş tankı meşəlik ərazidə irəliləyərkən gözlənilməz hücum nəticəsində təsirsiz hala düşüb.
Ağacların arasında gizlənən ukraynalı əsgərin qəfildən gizləndiyi ağacların arasından çıxaraq tank əleyhinə idarə olunan raketlə Rusiya tankını vurduğu görünür.
Tvitterdə paylaşılan görüntülərdə ukraynalı əsgərin rus tankının qülləsini tək atəşlə zədələdiyi, tankın bir müddət irəlilədikdən sonra partlayışlarla yandığı görünür.
Ukrayna Hava Hücum Qüvvələrinin 95-ci Hava Hücum Briqadasının sosial media hesabından verilən açıqlamada “95-ci Hava Hücum Briqadasının 1-ci Hava Desant Batalyonunun qəhrəman əsgərlərimizdən biri Rusiya tankını yaxın məsafədən məhv edib” deyə qeyd olunur.
Ukrayna Baş Qərargahından verilən açıqlamada, Rusiyanın təxminən 74.810 şəxsi heyəti, 2 min 750 tankı, 5 min 580 zirehli texnikası, 2000-ə yaxın artilleriya qurğusu və 514 təyyarəsi itirdiyi qeyd olunub.
Yusif Ziya
Medianews