Qərbin Ukraynanı işğal edən Rusiyaya qarşı sanksiyaları davam edərkən, Putin sanksiyalara cavab olaraq Avropaya qaz axınını kəsib.
Medianews.az xəbər verir ki, Avropa ölkələri qışı keçirmək üçün tədbirlər planlaşdırarkən, Putin növbəti dəfə Qərbə meydan oxuyan bir çıxış edib.
Putin açıqlamalarında “Qaz, neft, kömür, yanacaq verməyəcəyik. Heç nə verməyəcəyik. Qərb donacaq”,-deyə qeyd edib. Fevralın 24-də Ukraynaya daxil olan və aylardır bu müharibəni davam etdirən Rusiyaya qarşı Qərb ölkələri sanksiyaları davam etdirir. Bu sanksiyalara cavab olaraq Rusiya ona qarşı sanksiyalar tətbiq edən Avropa ölkələrinə təbii qaz axınını dayandırıb.
Rusiyanın bu sanksiyasından sonra Avropa ölkələri müxtəlif ölkələrdən qaz idxal etmək üçün araşdırmalara başlayıb. Digər tərəfdən bir çox Avropa ölkələri təbii qazın qiymətini artıraraq vətəndaşlarına qənaətlə bağlı xəbərdarlıqlar etməyə başlayıb. Rusiyanın qaz nəhəngi “Qazprom” Avropaya “Şimal axını” qaz kəmərini planlaşdırıldığı kimi yenidən açmayacağını açıqlayıb.
Proses davam edərkən, Rusiya prezidenti Vladimir Putin Rusiyanın Uzaq Şərq regionunun Vladivostok şəhərində keçirilən Şərq İqtisadi Forumunun Baş Assambleyasının iclasında çıxış edərək növbəti dəfə Qərbə meydan oxuyub.
Medianews.az