Türiyədə yaşayan tanınmış aktrisa, model Natavan Gümet Medianews.az-ın suallarını cavablandırdı.
– Uzun müddətdir ki, efirdə və sənətdə yoxsunuz. Bunun xüsusi bir səbəbi varmı?
– Bildiyiniz kimi ailə qurduqdan sonra Türkiyəyə köçdüm və orada yaşadım. Övladım Teoman dünyaya gəldikdən sonra isə onun qayğıları ilə məşğul oldum. Övladımın indi həssas dönəmidir və onun ana sevgisinə, qayğısına, diqqətinə ehtiyacı var.
O ki, qaldı yaradıcılığıma bəzi nüanslar var ki, onlar məni qane etmir. Ona görə bir müddətdir ki, sənətimə ara vermişəm.
– Hansı nüanslardır onlar?
-Bilirsiniz ki, mən həm Türkiyədə, həm də Azərbaycanda təhsil almışam. Görürəm ki, ali təhsili, hətta bu sənətdən xəbəri belə olmayanlar seriala ya pulsuz çəkilirlər, ya da onlara cüzi maliyyə verirlər. Bu isə məni qane etmir.
– Yəni deyirsiniz ki, bizim aktrisalarımız öz dəyərini bilmirlər?
-Öz dəyərini bilən aktrisa az məbləğdə obraz canladırmaz. Həmin aktrisaları çox az hallarda seriallarda görmək mümkün olur. Çünkü onlara verilən məbləğ əziyyətini qarşlamır.
– Türk aktrisaları dahamı tələbkardır?
– 7 ildir Türkiyənin İstanbul şəhərində yaşayıram, orada bir çox hadisələrin şahidi oluram. Görürəm ki, Azərbaycanda qadınlar öz haqlarını müdafiə etməyi daha yaxşı bacarır. Azərbaycanda qadınlar özlərini əzdirmirlər. Məsələn bizdə qadın cinayəti baş verdikdə o cinayəti işləyənlər cəzasız qalmır və cəmiyyət də buna birmənalı yanaşmır. Bu baxımdan deyirəm ki, bizdə qadınlara daha çox hörmət olunur. Orada fəxrlə deyə bilirəm ki, Azərbaycanda qadın hüquqları qorunur, cinayəti işləyən heç kim cəzasız qalmır. Türkiyədə kişi qadını öldürür, sonra da deyir ki, qeyrətimi təmizlədim. Hansı ki, məsələnin kökündə heç də bu nüanslar dayanmır. Həmin adama da cəza verilmir.
– Türk serial və filmlərinə baxan gənc, yeniyentmə qızlarımız hər şeyin filmlərdə göründüyü kimi olduğunu düşünərək türk vətəndaşları ilə ailə qurmağa daha çox can atırlar. Bu mövzu ilə bağlı siz necə düşünürsünüz?
-Həyat heç də nağıllardakı və seriallardakı kimi deyil. 6 ildir ailəliyəm, öz evimin işlərini də özüm edirəm, uşağım dayə görmədi. Mən onu bağcaya verəndə 3 yaş yarım idi. Oğlumu gözümdən kənara qoya bilməzdim. Burada o qədər hadisələr görürəm ki… Adi qonşuya belə uşağı əmanət edə bilmirəm.
– Bir müddət burada sizin boşanma xəbərləriniz yayıldı. Siz hər vətənə gəldikdə boşanıb, vətənə geri döndüyünüz yazıldı.
-Elə bir şey yoxdur, inşallah da olmaz. Amma boşanma ölüm kimidir, hər qapıda var. Hər bir ailədə problemlər olur, amma boşanma kimi bir şey yoxdur. Bu xəbəri kim çıxarıbsa sevinməsin, yalandır.
-Aktrisalıqla yanaşı model olaraq da tanınırsınız. Azərbaycanda hər il gözəllik müsabiqələri keçirilsə də qaliblərin əksəriyyəti sosial şəbəkədə lağlağı obyektinə çevrilir. Ümumiyyətlə, o dövrün gözəllik pirinsipi nə idi?
– Miss Azərbaycan-2006”- da 4 cü yerə layiq görüldükdən sonra “Dünya Mədəniyyətlər kraliçası-2009” adlı gözəllik yarışmasında dünya üzrə ikinci yeri tutaraq, İzmir gözəli adını qazanmışdım. O dövrdə mənim haqqımda da yazırdılar ki, İzmirdə gözəl tapmadınız Azərbaycandan gələn iştrakçıya 2-ci yer verdiniz? Bu müsabiqədir və münsif heyəti modeli seçir və müsabiqə iştirakçısı edir.
O zaman estetikli modellər qəbul olunmurdu. Hətta bütün modellərin makyajları belə eyni olurdu. Nə saç, dırnaq qaynağı, nə də üz cizgilərində süni nələrsə etdirməyə icazə vardı. Yəni müsabiqədə bütün iştirakçılar eyni olmalı idi. Doğrudur, eybəcər xanım yoxdur, baxımsız xanım var. Ancaq gözəllik müsabiqəsi keçirilirsə o bütün standartlara uyğun olmalıdır. Estetik etdirməkdən söhbət düşəndə də deyirlər təbii gözəlik. Arxiv deyilən bir şey var. Bu nə zamansa üzə çıxacaq.
-İndi estetik əməliyyatların da sayı artıb. Modellər də hamısı bir-birinə bənzəyir.
– Bunun 80 faizi filtirli proqramlara görədir. Belə ki, qızlarımız filtir proqramlarına baxıb, özlərini bəyənirlər. Sonra qərara gəlirlər ki, özlərini filtir proqramlarındakı kimi dəyişsinlər. Ancaq bu hər zaman uğurlu nəticə vermir. Məsələn bir insanın dodağında problemi varsa, bu simmetriyanın olmaması, əyrilik və s… ilə bağlı ola bilər. Onu düzəltmək üçün cüzi dəyişikliklər etmək olar. Yoxsa nəyə lazım ehtiyac olmadığı təqdirdə özlərini eybəcər hala salırlar? Və yaşa dolduqca disfunksia pozulur, fəsadları yaranır. Hər şeyin təbisi daha gözəldir.
Medianews.az